blog01.PNG

心都淡。好多人關注克羅地亞對捷克場波既球迷騷亂,咁作為名義上同情意結上仲支持格子既我,當然都好嬲好難過,大大力屌柒果班搞屎棍係指定動作啦。但冷靜落黎後去刷下資料,見到大部分人都係得個鬧字,唔係好了解呢個前屬南斯拉夫既國家足球圈背後發生緊咩事。

首先,克羅地亞球迷有幾惡我諗唔洗我介紹,全世界都知。比較經典咪2012歐國盃小組賽對意大利,佢地對巴神唱出含種族歧視既歌仔;2014年11月既歐國盃外圍賽,客隊球迷係聖西路球場掟煙花落草地……
本身克羅地亞國內足球流氓既問題就十分之嚴重,由南斯拉夫時代起已經係咁。呢個問題,克羅地亞足聯(CFF)並冇擺心機落去解決,甚至可以話,CFF係令問題持續升溫既兇手——克羅地亞球迷普遍都

好‧撚‧憎‧C‧F‧F‧尤‧其‧是‧高‧層。
直頭憎到想殺人。

故事是咁的。近呢十年八載,克羅地亞球圈有條粉腸叫 Zdravko Mamic ,佢依家係首都球會 Dinamo Zagreb 既董事兼CFF既顧問。佢唔係咩好人,對記者惡言相向又恐嚇,又種族歧視又唔妥同性戀,對睇唔順眼既人暴力對待,各種干涉球隊運作,貪污舞斃兼向球員收數掠水,最近仲傳佢涉逃稅。

zdravko-mamic-88ef94f1f456b2df5b6bf3ba0bb644b8_view_article.jpg
^^^認住佢個衰樣,就係佢

曾有Dinamo球迷舉標語遊行要求佢落台,佢ban9哂果班球迷唔俾佢地以後再入場睇波。唔好話Dinamo球迷,連佢地對家、南部球會 Hajduk Split 既球迷都好鬼討厭佢。
最大鑊係,佢依家獨攬大權,據說CFF內部好多佢心腹或扯線公仔,搞到貴圈真亂。球迷無力推翻現狀,於是班 Ultras / hooligans (whatever you want to call them la) 將戰場搬到看台上,除左發洩佢地既不滿之外,冇錯就係要搞事柴台,搞死CFF同克羅地亞足球直到Mamic冇得撈,黎個玉石俱焚。
( For reference Dinamo Zagreb 既 Ultras 係 “Bad Blue Boys (BBB)” ,鼓勵大家去請教下估狗大神佢地既事跡,,以助進一步了解克國的hooliganism)

其實係好絕望,好sad,好可憐。但冇乜人會注意到呢個情況,只會睇到克羅地亞球迷有幾衰要譴責, Zdravko Mamic 乜水呀佢做過咩,    WFC啦我只係睇到掟煙花好暴力呀媽媽。
點都戴返個頭盔,我都好反對球場上既暴力,無論咩原因都十萬八千個唔應該做出傷害他人、有違體育精神既行為。一顆樹結出壞死既果實,係咪砍左佢就算?唔需要關心係咪土壤問題、施肥問題、檢討培植方法?否則一直種出黎既都只會係爛果。
(唔唔呢個情況咁有既視感既哈哈哈。)

老妖男Bilic話貴國既球迷騷亂係南北分裂之故,一直以黎動亂既矛頭都較傾向指向 Dinamo 球迷,我又有保留。因為有報導指亦發生過 Hajduk 激進球迷襲擊當時國家隊主帥 Niko Kovac 的事件。
但唔理佢地本身撐邊隊,佢地係咪真球迷?係咪真心支持國家隊?真心愛足球點會做出d咁既事呀?
我答唔到真係答唔到,因為答案唔係得”yes”同”no”揀咁簡單。
文首我話心淡,唔係因為發生d咁既事,亦唔係因為WFC,而係食花生d人只係鬧完就算。

 

===========================================


騷亂及克羅地亞球圈的大概現狀:
Croatia: Hooligan riots at the game against the Czech Republic may be the last act of a longtime war

想知多 d Zdravko Mamic 既豐功偉跡:
The sad state of Croatian football

內含克國資深足球撰稿人既意見:
Why Did Croatia Fans Throw Flares on to Pitch? This Might Explain

References鳩貼少少算,懶貼哂,我都未睇得哂,更何況反正冇其他人睇 (####
 

arrow
arrow
    全站熱搜

    kisumimakino 發表在 痞客邦 留言(0) 人氣()